Magazin1
Xalq artisti direktor vəzifəsindən BU SƏBƏBƏ GÖRƏ ÇIXIB: "Həmin şəxslə..."
Fikrət Əmirov adına Gəncə Dövlət Filarmoniyasının direktoru, Xalq artisti Samir Cəfərov tutduğu vəzifədən istefa verib.
Ölkə.az-ın yazıdığına görə, sənətçinin bu qərarına səbəb şəhərin rəhbər şəxslərindən biriylə münasibətlərinin gərginləşməsi olub. İddia olunur ki, Cəfərov şəhərin idarə və müəssisələrində filarmoniyada təşkil edilən konsertlərə məcburi bilet satılmasına etiraz etdiyi üçün sözügedən məmurla mübahisə edib. Məhz bu hadisədən sonra Xalq artisti vəzifəsindən istefa verib.
Publika.az məsələ ilə bağlı sənətçinin fikirlərini öyrənib. Samir Cəfərov bildirib ki, heç bir məmurla mübahisə etməyib:
“Bir ilə yaxın Fikrət Əmirov adına Gəncə Dövlət Filarmoniyasının direktoru vəzifəsində çalışdım. Bu müddət ərzində əlavə ansambl yaratdım, festivallar və bir sıra tədbirlər həyata keçirdim. Lakin filarmoniyadakı işlərdən dolayı şəxsi yaradıcılığım ikinci plana keçmişdi. İstefaya səbəb kimi də onu göstərmişəm ki, işlərimlə məşğul ola bilmirəm. Ailəm Bakıda, mən Gəncədə qalırdım. Yaşamaq üçün şərait, ev yox idi. Odur ki, istefa verməli oldum. Başqa heç bir hadisə baş verməyib, nə də ki, kiminləsə aramızda intriqa olmayıb. Həmin şəxslə də aramız çox yaxşıdır, mənimlə həmişə dost kimi davranıb”.
Opera sənətçisi yaradıcılıq planlarından da danışıb:
“Türkiyədə iki opera ilə bağlı dəvət almışam. Bu yaxınlarda da İtaliyadan məşhur dirijor gəlmişdi. O, iki opera istəyib. Yanvar ayına qədər onları hazırlayıb çatdırmalıyam”.
Aytən
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR - VİDEO