Magazin1

49 yaşlı məşhur bir günlük gəlin oldu - FOTO

2 May 2023 10:04

Dünən Nyu-Yorkdakı metropoliten muzeyində səbirsizliklə gözlənilən "Met Gala" kostyum şousu baş tutub.

Publika.az xəbər verir ki, əfsanəvi dizayner Karl Legerfeldə həsr olunmuş gecədə 49 yaşlı aktrisa Penelopa Kruz da olub. Qalanın aparıcılarından biri olan aktrisa şahzadə gəlin obrazına bürünüb. Penelopa Kruz qalada möhtəşəm görünüşü ilə hər kəsi heyrətləndirib. Kino ulduzu gəlinlikdən ilhamlanmış obrazı ilə tamaşaçıları ovsunlayıb.

Yeri gəlmişkən, bu, 1998-ci ilin yaz-yay kolleksiyasına aid olan vintaj bir parçadır, ipəkdən hazırlanmış paltarın hər tərəfində gümüş aplikasiyaların detalları ilə bəzədilib.

Saçlarını ortadan ayıran məşhurun duvağı onun gözəlliyini bir daha vurğulayıb. O, obrazını gümüşü platformalı ayaqqabı və üzüklə tamamlayıb. Bir sözlə, Penelopa Kruzun paltarı "Met Gala 2023"-də ən çox danışılanlardan biri olub.