Corc Qafarovun lüks maşınının FANTASTİK QİYMƏTİ - FOTO / VİDEO

Azərbaycan şou-biznesi növbəti dəfə bahalı həyat tərzi ilə gündəmə gəlib. Bu dəfə diqqət mərkəzində tanınmış müğənni Roza Zərgərlinin aktyor olan oğulluğu Corc Qafarovdur. O, şəxsi “Instagram” hesabında "Chevrolet" markalı avtomobilinin görüntülərini paylaşaraq izləyicilərinə sürpriz edib.

Publika.az xəbər verir ki, Corcun paylaşdığı videoda "Chevrolet" markasının premium modellərindən biri olan “Camaro”nu gördükdə, izləyicilər avtomobilin yüksək qiyməti və texniki göstəriciləri ilə maraqlanıblar.

“Chevrolet” ABŞ-yə məxsus dünyaca məşhur avtomobil brendidir. Elan saytlarında “Chevrolet Camaro”nun qiymətləri isə xeyli yüksəkdir. Ölkəmizdə olduqca məhdud sayda olan bu avtomobilin qiymətləri buraxılış ilinə və probeqinə görə dəyişir. Nümunə üçün qeyd etsək, buraxılış ili 2011-ci olan “Camaro” 26 min manata, 2016-ci il 36 min manata, 2021-ci isə 42 min manata təklif olunur.

“Chevrolet” markasının “Camaro” modeli ölkəmizdə gənclər arasında xeyli rəğbət görür. Olduqca eleqant komfort və cazibədar sport görünüşə malik olan bu maşın bütün dünyadakı sürət həvəskarlarının əvəzolunmazlarındadır. 238 at gücü ilə yolda əsl yarış avtomobili təsiri bağışlayır. Lakin “Camaro”nun ehtiyat hissələri, texniki qulluq xərcləri olduqca bahadır. Yəni sözün əsl mənasında bu maşını almaq qədər onu saxlamaq da xeyli vəsait tələb edir.

Qeyd edək ki, Corc Qafarov bir müddət öncə “77-GC-082” dövlət nömrə nişanlı “Chevrolet Camaro” markalı avtomobilini satışa çıxarsa da, daha sonra fikrindən daşınıb. (Yenisabah.az)