Həmkarı ilə münasibətdə olduğunu etiraf etdi: “Nömrəni bilirsən”

Rusiyalı məşhur müğənni Olqa Buzova "Love-Radio" proqramının efirində 63 yaşlı ifaçı Qriqori Leps ilə romantik münasibətdə ola biləcəyinə işarə edib.

Publika.az xəbər verir ki, bu barədə məlumatı "StarHit" nəşri yayıb.

O, ailə qurmaq və ana olmaq istədiyini bildirib. Söhbət zamanı hazırda subay olan Qriqori Lepsin adı çəkilib. Buzova qeyd edib ki, onların adlarının uyğunluğu xoşuna gəlir, lakin əsl sevginin planla qurulmadığını, sinerji və həqiqi hislərin daha vacib olduğunu vurğulayıb. Müğənni əlavə edib ki, eşq bütün yaşlara tabedir, lakin o, gələcək nəsillərin davamını da vacib hesab edir.

Buzova ailə qurmaq məsələsinə məsuliyyətlə yanaşdığını və səhhətini daim nəzarətdə saxladığını bildirib. O, gələcək həyat yoldaşı ilə səmimi olmağa hazır olduğunu deyərək, zarafatla "Qriqori, nömrəmi bilirsən" deyə əlavə edib.

Qeyd edək ki, 2024-cü ilin iyun ayında Qriqori Leps 18 yaşlı Avrora Kiba ilə münasibətdə olduğunu açıqlamışdı. Lakin 2026-cı ildə cütlük ayrılıb. Bir çox pərəstişkar bu münasibətin piar xarakterli olduğunu düşünür.

Hüseyn İbadlı