Avto

Artıq Putinin limuzinindən almaq mümkün olacaq - Şərtlər açıqlandı

5 Fevral 2019 16:30

Rusiya prezidenti Vladimir Putinin xidməti avtomobili olan “Aurus” seriyalı şəkildə istehsal olunacaq.

Publika.az xəbər verir ki, bunu Rusiya Sənaye və Ticarət Nazirliyi açıqlayıb.

Nazirlikdən verilən açıqlamaya görə, avtomobillərin ön sifarişi 15 fevral tarixindən etibarən qəbul ediləcək. Müştərilər Putinin limuzini "Aurus Senat" L700 və eyni avtomobilin bənzəri olan "Aurus Senat" S600-dən sifariş edə biləcəklər.

“Aurus”un rəhbəri Franz Hilgert ötən il verdiyi açıqlamada lüks avtomobillərin ilk olaraq Rusiyada satışa çxarılacağını, daha sonra dünya miqyasında bazarlara veriləcəyini açıqlamışdı.

Şirkət 2021-ci ilə qədər 5000 avtomobil istehsal etməyi planlaşdırır.

Qeyd edək ki, “Kortec” adlı layihənin bir parçası olan “Aurus” avtomobillərinin adı latın dilindən "qızıl" anlamına gələn “au” və “rus” sözlərindən düzəlib.