Komitə sədrləri xidməti avtomobilləri təhvil verdi

VI çağırış Milli Məclisin komitə sədrlərinə xidməti avtomobillərlə təmin edilib.

V çağırış Milli Məclisin komitə sədrlərinin bir neçəsinin avtomobili yeni seçilən komitə sədrlərinə verilib.

Məlumatı V çağırış Milli Məclisin Elm və təhsil komitəsinin sədri, hazırkı deputat İsa Həbibbəyli təsdiqləyib.

O bildirib ki, bir qayda olaraq keçmiş komitə sədrləri xidməti avtomobillərini hazırkı komitə sədrlərinə təhvil verirlər: “Mən də öz xidməti avtomobilimi indiki komitə sədri Bəxtiyar Əliyevə təhvil verdim”.

Milli Məclisin komitə sədrləri aşağıdakılardır:

1.Milli Məclis sədrinin I müavini, Hüquq siyasəti və dövlət quruculuğu komitəsinin sədri – Əli Hüseynli;

2. Milli Məclis sədrinin müavini, İctimai birliklər və dini qurumlar komitəsinin sədri – Fəzail İbrahimli;

3. Milli Məclis sədrinin müavini, Gənclər və idman komitəsinin sədri - Аdil Əliyev;

4. Milli Məclisin Müdafiə, təhlükəsizlik və korrupsiya ilə mübarizə komitəsinin sədri – Ziyаfət Əsgərov;

5. Milli Məclisin Əmək və sosial siyasət komitəsinin sədri Musa Quliyev;

6. Milli Məclisin Aqrar siyasət komitəsinin sədri Tahir Rzayev;

7. Milli Məclisin İnsan hüquqları komitəsinin sədri Zahid Oruc;

8. Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov;

9. Milli Məclisin İqtisadi siyasət, sənaye və sahibkarlıq komitəsinin sədri – Tahir Mirkişili;

10. Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov;

11. Milli Məclisin Elm və təhsil komitəsinin sədri Bəxtiyar Əliyev;

12. Milli Məclisin Regional məsələlər komitəsinin sədri Siyavuş Novruzov;

13. Milli Məclisin Ailə, qadın və uşaq məsələləri komitəsinin sədri Hicran Hüseynovа;

14. Milli Məclisin Mədəniyyət komitəsinin sədri Qənirə Pаşayeva;

15. Milli Məclisin Səhiyyə komitəsinin sədri Əhliman Əmiraslanov.

Milli Məclisin 15 komitəsindən 3-nün sədrinə isə komitə sədri kimi xidməti avtomobil verilməyib. Buna səbəb onların parlamentdə daha yüksək vəzifə sahibi kimi avtomobillə təmin olunmasıdır.(Report)