2023-cü ildə ən çox oğurlanan avtomobillərin MARKALARI AÇIQLANDI

Rusiyada 2023-cü ilin sonunda ən çox oğurluq qurbanları "Hyundai", "Kia", "Mercedes-Benz", "Lada" və "Chery" avtomobillərinin sahibləri olub.

Publika.az xəbər verir ki, bu barədə VSK Sığorta Evinin araşdırmasında bildirilir.

"2023-cü ilin sonunda ən çox oğurlanan avtomobil modelləri "Hyundai Santa Fe2, "Kia K5", "Hyundai Tucson", "Hyundai Palisade", "Lada Granta" olub. Premium avtomobil seqmentində "Mercedes-Benz GLE-Class" krossoveri ən çox oğurlananlar arasındadır. Çin avtomobilləri arasında “Chery Tiggo” və “Exeed TXL” oğurluqda liderdir", - deyə məlumatda qeyd olunur.

Moskva oğurluqların sayına görə lider region oolub - hadisələrin 51%-ni bu rayon təşkil edib. İkinci yerdə Samara vilayətidir - avtomobil oğurluqlarının ümumi sayının 7%-i.

Ümumiyyətlə, 2023-cü ilin sonunda Rusiyada oğurluqların sayı demək olar ki, 15% artıb. 2023-cü ildə ən çox avtomobil oğurluğu fevral, may, avqust və sentyabr aylarında qeydə alınıb.

Bu il avtomobil oğrularının ən çox qurbanı korporativ parklar olub - hadisələrin 47%-i. Ayrı-ayrı sürücülər arasında qadınlar əsasən cinayətkarların hərəkətlərindən əziyyət çəkirlər - 22%.

Hüseyn İbadlı