Maraq dünyası

Milyonların seçdiyi gözəli qarğalar "bəyənmədi": Görün qıza nə ediblər - VİDEO

17 İyun 2025 18:00

Vladivostokda qarğalar "Miss Rusiya - 2023"ün finalçısını qorxudub.

Publika.az xəbər verir ki, bu barədə "Amur Mash" "Telegram" kanalı məlumat yayıb.

Rusiyanın ən gözəl qızlarından biri Anastasiya Antonova şəhərdə gəzərkən quşlar ona hücum edib. Üç qarğa onun başının üstündə dövrə vurub, çantasını almağa çalışıblar.

Gözəllik müsabiqəsinin iştirakçısı xatırladığı kimi, o, canını quşlardan qurtarmaq istəsə də, onlar onun arxasınca gəliblər. Antonova kömək istəyib, onun qışqırtısını yanından keçən qadın eşidib. O, qarğaları çətinliklə də olsa qova bilib. Antonova çox qorxduğunu etiraf edib. Deyib ki, sanki qorxu filminə çəkilib.

Bildirilir ki, quşlar ona heç bir ciddi xəsarət yetirməyib.

Ornitoloqlar bildiriblər ki, iyun ayında qarğalar həqiqətən də aqressiv davrana bilirlər. Bu, onların həmin dövrdə balalarına qulluq etmələri və onları hər hansı təhlükədən qorumaları ilə bağlıdır.

Adəm