Anasını bər-bəzəkli geyindirib diri-diri tabuta qoydu: 16 nəfər isə... - FOTO

Çinin Hunan əyalətində baş vermiş bir hadisə beynəlxalq ictimaiyyətin diqqətini cəlb edib. Oğul 70 yaşlı sağlam anasını bəzəkli və təmtəraqlı tabuta qoyub. Daha sonra 16 nəfər həmin tabutu musiqinin müşayiəti ilə "dəfn" mərasimi üçün aparıb.

Publika.az xəbər verir ki, görüntülər müzakirələrə səbəb olub.

Bildirilir ki, bu ənənə Çinin bəzi kənd yerlərində əsrlərdir davam edir. Bu, ailənin yaşlı nümayəndəsinə hörmət əlaməti, uzun ömür arzusu kimi qəbul edilir. Yerli mədəniyyətdə belə bir mərasim yaşlılara hörmət etmək və şər ruhları qovmaq üçün keçirilir. Şəxsin tabutda daşınması ailəyə bolluq, firavanlıq və sağlamlıq gətirdiyinə inanılan bir mərasimdir.

Mərasimdə iştirak edən 16 nəfərin həm də kütlənin rituala verdiyi əhəmiyyəti nümayiş etdirir. Çin mədəniyyətində rəqəmlərin böyük əhəmiyyəti var. 16 rəqəmi güc, qorunma və xoşbəxtlik simvolu hesab olunur. Ona görə də mühüm mərasimlərdə istifadə edilməsinə üstünlük verilir.

Müzakirələrdə bəziləri “Ananı belə geyindirmək hörmətsizlikdir” deyərək tənqid edərkən, bəziləri isə ənənənin mədəni köklərinə hörmət edilməli olduğunu bildirərək, “Həyatda anana hörmət göstərməyin ən gözəl yolu budur” sözlərini əlavə ediblər.

Çin rəsmiləri belə ənənələrin onların regionlarının mədəni irsinin bir hissəsi olduğunu deyirlər.

Adəm