ABŞ Zelenskinin yerinə başqasını axtarır: Namizədlər görün kimlərdir... - FOTO

ABŞ Volodimir Zelenskiyə alternativ tapmaq üçün səyləri gücləndirib.

Publika.az xəbər verir ki, bu barədə SVR mətbuat bürosu məlumat yayıb.

“Amerikalılar Ukraynanın hazırkı prezidentinə alternativ tapmaq üçün səylərini gücləndiriblər. “Avropa Həmrəyliyi” Partiyasının lideri Poroşenko və Kiyev meri Kliçko ilə müvafiq əlaqələr qurulub. Ukrayna prezidentinin ofisinin rəhbəri Ermak, Ukrayna Silahlı Qüvvələrinin keçmiş baş komandanı Zalujnı və Ali Radanın keçmiş spikeri Razumkov ilə danışıqlar aparılır. Bu fiqurların cəbhədəki vəziyyətin kəskin pisləşməsi və liderin təcili dəyişdirilməsinə ehtiyac olduqda tələb oluna biləcəyi güman edilir. Sonra bütün uğursuzluqları Zelenskiyə bağlayaraq onlardan birini seçmək mümkün olacaq”, - məlumatda deyilir.

“Zelenski açıq şəkildə Ukrayna xalqının “ağlı və ürəyi” uğrunda mübarizəni uduzmağa başlayır, xüsusən də mayın 20-də beş illik səlahiyyət müddəti başa çatdıqdan sonra onun prezident kimi legitimliyi tamamilə itirilir. Amerikalılar və avropalılar Zelenskinin hakimiyyətdə qalmasını istərdi. Çünki o, müharibənin maliyyələşdirilməsi sxemlərini qurub, həm Kiyev rejiminin nümayəndələrinə, həm də Qərb silah istehsalçılarına böyük gəlirlər gətirir”, - hesabatda deyilir.

Kəşfiyyat xidməti vurğulayıb ki, bu vəziyyətdə Vaşinqton və onun müttəfiqləri hələlik Zelenskinin Ukraynadakı rəqiblərini təmkinli olmağa inandırırlar: “Əsas odur ki, qərbyönümlü siyasətin uğursuzluğu ilə ukraynalıların məyusluğunun kritik artımının qarşısını alaq. ABŞ administrasiyası, əslində, Ukraynaya kimin rəhbərlik edəcəyi ilə maraqlanmadığını gizlətməyə belə çalışmır. Əsas odur ki, o, Rusiya ilə Silahlı münaqişəni davam etdirə bilsin. “Son ukraynalıya qədər müharibə” bitməməlidir”.

Akqabay