MDB

Təcili yardım briqadası qəza nəticəsində DİRİ-DİRİ YANDI

5 Avqust 2024 14:30

Rusiya Federasiyasının Krasnoyarsk vilayətində qəza nəticəsində təcili yardım briqadası diri-diri yanıb.

Publika.az xəbər verir ki, bu barədə “Action” tibb işçilərinin həmkarlar ittifaqı “Telegram” kanalında məlumat yayıb.

Qeyd olunub ki, təcili yardım maşınında sürücü və feldşer olub. Həkimlərin olduğu avtomobil qarşıdan gələn zolağa çıxan avtomobillə toqquşduqdan sonra aşıb və alovlanıb.

Rusiya Federasiyasının Daxili İşlər Nazirliyinin regional idarəsi qəzanın R-255 "Sibir" federal magistral yolunda baş verdiyinə aydınlıq gətirib. Belə ki, 20 yaşlı sürücü avtomobili qarşıdan gələn zolağa çıxarıb və nəticədə ağır qəza baş verib.

Xatırladaq ki, bundan əvvəl Moskva dairəvi yolunda yük maşını ilə mikroavtobusun toqquşması nəticəsində iki nəfər diri-diri yanıb.