MDB

İtalyanın Moskvada “dron sərgüzəşti” - Saxlanıldı

6 Avqust 2024 15:28

Moskvada 21 yaşlı İtaliya vətəndaşı Franko Esinel Rusiya paytaxtının mərkəzində səmaya pilotsuz uçan aparat buraxdığı üçün saxlanılıb.

Publika.az xəbər verir ki, “Shot Telegram” kanalının məlumatına görə, saxlanılan şəxs “Emirates Airlines” aviaşirkətinin stüardessası olduğunu bildirib. Onun sözlərinə görə, o, sadəcə olaraq Zaryadye parkının mənzərələrini lentə almaq qərarına gəlib və buna görə də videokamera ilə məişət pilotsuz uçan aparatını işə salıb.

İtalyan əmin edib ki, onun Moskvada pilotsuz təyyarələrin buraxılması ilə bağlı mövcud qadağadan xəbəri yoxdur.

Telekanalın məlumatına görə, polis əcnəbiyə qarşı inzibati xəta haqqında protokol tərtib edib. Ondan “Dji” kvadrokopteri də götürülüb.

Tural