MDB

Həbsxanada ziyafət təşkil etdilər: Kabab, pizza... - FOTO

12 Avqust 2024 09:33

Rusiyanın Mordoviya vilayətinin Sosnovka kəndindəki ciddi rejimli koloniyada məhbuslar kabab və pizza ilə ziyafət təşkil ediblər.

Publika.az xəbər verir ki, “İzvestiya” nın Mordoviya hüquq-mühafizə sisteminə yaxın mənbəyə istinadən verdiyi məlumata görə, ziyafət iyulun 20-də PKU İK-7-nin 2A dəstəsinin ərazisində baş tutub.

Şəklin CCTV kamerasından çəkildiyi güman edilir. Bir otağa ən azı 40 nəfərin toplandığı qeyd edilir. Eyni zamanda, masa arxasında ağır cinayətlərə görə məhkum olunanlar, o cümlədən əcnəbi narkotik alverçiləri və etnik qrupların liderləri, o cümlədən Rusiyada narkotik yayanlar var. Materialda koloniyanın “kriminal avtoriteti şərəfləndirdiyi” iddia edilir. Onun adı açıqlanmır.

Rusiyanın Mordoviya Respublikası üzrə Federal Penitensiar Xidməti hadisə ilə bağlı araşdırma aparır.