Erməni deputat Köçəryana cavab verdi: Avropa İttifaqı ilə Rusiya-Belarus birliyi...

Avropa İttifaqı (Aİ) ilə Rusiya və Belarusun İttifaq Dövləti bir çox cəhətdən sadəcə müqayisə olunmaz qurumlardır.

Publika.az xəbər verir ki, bunu sentyabrın 11-də Milli Assambleyanın iclasında Ermənistanın hakim “Mülki Müqavilə” partiyasından olan deputat Sona Kazaryan Ermənistanın ikinci prezidenti Robert Köçəryanın ölkənin İttifaq dövlətinə mümkün daxil olması ilə bağlı bəyanatlarını şərh edərkən deyib.

Daha sonra o, müxalifətçi həmkarlarına müraciət edib: “Məgər siz, bir ölkənin suverenliyini təslim etmək ilə tərəfdaşlıq arasındakı fərqi görmürsünüzmü?”, - Kazaryan çaşqınlıqla bildirib.

Parlamentarinin sözlərinə görə, Aİ ölkələri bir-birinə hörmətlə yanaşır. Onlar bir-birinin müstəqilliyini, suverenliyini və dövlətçiliyini nəzərə alırlar.

“Demokratiyaya əsaslanan, dövlətlərin bir-birinə hörmət etdiyi, münasibətlərin tamamilə fərqli olduğu, hörmətin tamamilə fərqli dəyərlərə söykəndiyi başqa bir ittifaqdan fərqli olaraq, birləşmək istəyi tamamilə başa düşüləndir”, - deputat qeyd edib.

Adəm Abbaslı