MDB

Ukrayna ordusu Rusiyanın hərbi obyektlərini vurdu - VİDEO

19 Sentyabr 2025 16:09

Ukrayna qüvvələri sentyabrın 18-nə keçən gecə Rusiyanın 810-cu Əlahiddə Dəniz Briqadasının Kursk vilayətində yerləşən logistika mərkəzinə hücum edib.

Publika.az "RBC-Ukrayna"ya istinadən xəbər verir ki, bu barədə "Telegram"da məlumat yayılıb.

Bildirilir ki, hücum nəticəsində Rusiyanın material ehtiyatları üçün saxlama bazası, sursat anbarları, 810-cu Briqadanın silah və hərbi texnikasının gizli yeri dağıdılıb.

Xüsusi Əməliyyat Qüvvələrinin bildirdiyinə görə, Sevastopolda yerləşən 810-cu Əlahiddə Dəniz Briqadası Şimali Slobojanski istiqamətində hücum əməliyyatlarında fəal iştirak edir.

Qeyd olunur ki, bu bölmənin şəxsi heyəti hərbi cinayətlərin törədilməsində, xüsusən də, ukraynalı hərbi əsirlərin edamında iştirak edib.

Adəm