PUA hücumu: Moskva səması qapadıldı? - YENİLƏNDİ

Moskvaya PUA hücumu ilə əlaqədar Rusiya paytaxtının səması qapadılıb.

Publika.az xəbər verir ki, yerli KİV-lərin yaydığı məlumata görə Moskva aeroportlarında "Xalça planı" elan edilib.

Ancaq Rosaviasiyanın mətbuat katibi Artem Korenyako özünün Telegram kanalında bildirib ki, Moskva hava limanları normal rejimdə işləməyə davam edir.

"Sosial şəbəkələrdəki yanlış məlumatlara cavab olaraq sizə bildirirəm: Moskva vilayətinin hava limanları - Şeremetyevo, Vnukovo, Domodedovo və Jukovski - reyslər göndərir və qəbul edir", - agentliyin sözçüsü yazıb.

Qeyd edilib ki, uçuşların təhlükəsizliyini təmin etmək üçün regionda hava nəqliyyatı əməliyyatlarının monitorinqi gücləndirilib.

***

Rusiyanın paytaxtı Moskvaya PUA hücumu olub.

Publika.az xəbər verir ki, bu barədə Moskva meri Sergey Sobyanin "Telegram"da məlumat yayıb.

"Müdafiə Nazirliyinin hava hücumundan müdafiəsi Moskvaya pilotsuz təyyarələrin hücumunu dəf edir", - Sobyanin bildirib.

O, daha sonra hücumun detallarını açıqlayıb:

"Müdafiə Nazirliyinin hava hücumundan müdafiə qüvvələri Moskvaya hücum edən 7 pilotsuz uçuş aparatını məhv edib. İlkin məlumata görə, heç bir ziyan dəyməyib".