Yaxın Şərq

Paytaxt uğrunda ölüm-dirim savaşının İKİNCİ MƏRHƏLƏSİ BAŞLANDI – VİDEO

23 Aprel 2019 06:30

Xəlifə Xaftarın rəhbərlik etdiyi Liviya Xalq Ordusu paytaxt Tripolinin cənubunda hücumun ikinci mərhələsinə başlayıb.

Publika.az xəbər verir ki, EFE agentliyinin məlumatına görə, artilleriyanın tətbiqiylə ən aktiv döyüş hərəkətləri aprelin 22-də Liviya paytaxtının şəhərətrafında müşahidə olunur.

Agentlik qeyd edir ki, əgər Xaftar Tripolini tutmağı bacararsa, onda onun ordusu Liviya üzərində nəzarəti tamamilə ələ keçirəcək.

Hazırda ölkədə ikihakimiyyətlilik hökm sürür: şərqdə - Tobruk şəhərində seçkilərdə qələbə qazanan parlament, qərbdə - paytaxt Tripolidə isə BMT və Avropa İttifaqının dəstəyi ilə qurulan Milli Həmrəylik Hökuməti fəaliyyət göstərir. Ölkənin şərq hissəsinin hakimiyyət orqanları Tripoliyə tabe olmur və Xəlifə Xaftarla əməkdaşlıq edir.

Aprelin 4-də Xaftar Tripoliyə hücumun başlandığını elan edib.