Yaxın Şərq

Qəzza zolağında ən ağır mərhələ başlayır: Onların başqa variantı olmayacaq

20 Noyabr 2023 10:41

İsrail Qəzza zolağında münaqişənin daha ağır mərhələsinə keçəcək.

Publika.az xəbər verir ki, "The Wall Street Journal" İsrail Müdafiə Qüvvələrinin (IDF) gələcək hərəkətləri haqqında yazıb.

“İsrail hərbi nəzarətini 6 həftəlik müharibənin ən çətin mərhələsi ilə qarşılaşacağı Qəzzanın cənubuna yönəldir”, - materialda deyilir. Son günlərdə İDF cənuba doğru yönəldiyini elan edərək, HƏMAS döyüşçülərinin oraya toplaşdığını bildirib.

"Fələstin hərəkatı cənubda daha qətiyyətli hərəkət edəcək, çünki onların başqa variantları olmayacaq", - nəşr yazıb.

Keçmiş israilli zabitlər bildiriblər ki, HƏMAS liderləri girovlardan ən azı müvəqqəti olaraq döyüşləri dayandırmaq üçün vasitə kimi istifadə etməyə çalışırlar. Qeyd edilir ki, İsrailin cənubda HƏMAS-a hücum planı, ehtimal ki, şimaldakı hücuma bənzəyəcək, lakin hazırda ərazidə çoxlu sayda mülki vətəndaş olması səbəbi ilə bu dəfə daha çətin olacaq.

Cəmilə