Türkiyə Suriyadakı sistemləri bu cür sıradan çıxarıb - Fransa kəşfiyyatı

Türkiyənin qabaqcıl elektron döyüş sistemləri Əsəd rejiminin Suriyadakı hərbi kommunikasiya infrastrukturunu tamamilə sıradan çıxarıb.

Publika.az xəbər verir ki, bu barədə məlumat Fransa hərbi kəşfiyyatının hesabatında yer alıb.

Deyilir ki, bu əməliyyatlar Suriya rejiminin sıx şəkildə istifadə etdiyi Rusiyanın "Arakis" və "Azart" radio sistemlərini də zərərsizləşdirərək Türkiyəyə döyüş meydanında strateji üstünlük və regional güc dinamikasını dəyişdirmə potensialı qazandırıb.

Hesabata görə, bu uğurun açarı ASELSAN-ın Türkiyənin müdafiə sənayesi tərəfindən hazırlanmış "Milkar" və "İlqar" sistemləridir. "Milkar" düşmən rabitəsini pozarkən, "İlqar" mobil elektron hücum sistemi kimi xidmət edir. Bu sistemlər Türkiyəyə elektron müharibə əməliyyatlarında əhəmiyyətli üstünlüklər qazandırıb.

Hesabatda qeyd olunur ki, Türkiyə Ukraynada ələ keçirilən Rusiya sistemlərinin təhlili və NATO-ya dolayı dəstək vasitəsilə elektron müharibə imkanlarını genişləndirib. Bu inkişaflar Türkiyəyə öz elektron müharibə texnologiyalarını daha da inkişaf etdirməyə imkan verib.

Bundan əlavə, hesabatda Türkiyənin regional hərbi balansı dəyişdirmək potensialı ilə artan liderliyi vurğulanır, həm də Türkiyənin müdafiə texnologiyası sahəsindəki yenilikləri təkcə Suriyaya təsir etmir strateji olaraq hazırlanmış daha geniş bölgəyə təsir edib.

Adəm Abbaslı