“Dağlıq Qarabağ münaqişəsinin nizama salınması Rusiya diplomatiyasının diqqət mərkəzindədir”.
Publika.az xəbər verir ki, bu barədə Rusiya Xarici
İşlər Nazirliyinin rəsmi nümayəndəsi Mariya Zaxarova deyib.
Onun sözlərinə görə, Moskva münaqişə tərəflərini güc tətbiq
etməkdən imtina etməyə, silahı yerə qoymağa və güzəştlərə nail
olmaq üçün siyasi iradə göstərməyə çağırır: “Təəssüf ki, siyasi
dialoqun yenilənməsi ərəfəsində münaqişə zonasında vəziyyət
ağırlaşır, qurbanların sayı artır. Hesab edirik ki, sonrakı
eskalasiya sadəcə olaraq yolverilməzdir. Bu ilin aprel-may
aylarında Azərbaycan və Ermənistan XİN rəhbərləri Moskvada bu
məsələni müzakirə ediblər. Həmçinin Sergey Lavrov kolleqalarının
cari əlaqələrinin qurulmasına çalışır”.
M. Zaxarova qeyd edib ki, Rusiya Minsk qrupunun digər həmsədr
ölkələri - ABŞ və Fransa ilə sıx şəkildə işləyir: “Yaxın vaxtlarda
BMT Baş Assambleyasının Nyu-Yokrdakı iclasında həmsədrlərin
iştirakı ilə iki ölkənin xarici işlər nazirləri görüşdü və münaqişə
müzakirə mövzusu oldu”.
Asif Nərimanlı
.jpg)
.jpg)
