Nida.az
Hasan Oktay: “Azərbaycan 6 saata torpaqlarını azad edə bilər” - MÜSAHİBƏ
Qafqaz Strateji Araşdırmalar Mərkəzinin (KAFKASSAM)
sədri, türkiyəli politoloq Hasan Oktay Publika.az-a
müsahibəsində Qarabağda gedən döyüşləri şərh
edir.
“Ermənistan artıq Qarabağı əlində saxlaya
bilmir”
- Cəbhədə döyüşlər davam edir. Uzun müddətdən sonra
qarşıdurmanın başlaması səbəbini nədə görürsünüz?
- Dağlıq Qarabağda mövcud status-kvo böhranın böyüməsinə səbəb
olur. 24 ildir davam edən bu vəziyyət qəbuledilməzdir. Azərbaycan
status-kvonu dəyişmək istəyir, Ermənistan isə mövcud vəziyyəti
saxlamaq üçün hər şeyə əl atır. Digər tərəfdən, Ermənistan
Qarabağda işğalçı siyasətini gizlətmək üçün davamlı olaraq məsələni
başqa istiqamətə yönəldir. Lakin iqtisadi baxımdan Ermənistan artıq
Qarabağı əlində saxlaya bilmir. Çünki bu ölkə hər keçən gün daha da
kasıblayır. Erməni xalqı ölkə daxilindəki kasıbçılıqdan narahatdır
və bu ölkə davamlı olaraq köç dalğası ilə qarşılaşır. Azərbaycan
isə işğaldakı torpaqlarını azad etmək üçün çalışır. Amma haqlı
olmağına rəğmən, hər keçən gün Azərbaycanın əleyhinə işləyir. Bu
iki vəziyyət Qarabağda vəziyyəti kəskinləşdirir. Ona görə də hər
xırda gərginlik qarşıdurmaya səbəb olur. Son günlər davam edən
qarşıdurmanın psixoloji səbəbləri burdan qaynaqlanır.
Belə görünür ki, Ermənistan Azərbaycanın azad etdiyi iki kənd
və strateji nöqtəni yenidən işğal etmək üçün hücuma keçib. Çünki
İrəvan azad olunmuş yerləri yenidən işğal edərək, xalqı qarşısında
özünü qəhrəman elan etmək və sadə ermənilərin kasıbçılıqla bağlı
etirazlarını susdurmaq istəyir. Buna görə də Ermənistanı təxribat
hücumlarının davam edəcəyi gözləniləndir.
“Görünür, ABŞ-dakı toplantıda nəsə olub və Ermənistan
cəbhədə hərəkətə keçib”
- Maraqlıdır ki, Ermənistan tərəfi cəbhədə təxribata əl
atması Vaşinqtonda keçirilən Nüvə Təhlükəsizliyi Sammitinə təsadüf
edir.
- Bu döyüşlərin əsas nöqtəsi ABŞ-dakı toplantıdır. Görünür,
toplantıda nəsə olub və Ermənistan birdən-birə cəbhədə hərəkətə
keçib. Ermənistanın bu hərəkətinin arxasında Rusiyanın olduğu və
Moskvanın ABŞ-dakı toplantını pozmaq üçün belə bir addım atdığını
deyə bilərik. Çünki Dağlıq Qarabağ münaqişəsinin həllində təşəbbüsü
heç kim əlindən çıxarmaq istəmir. Maraqlıdır ki, ABŞ-da bağlı
qapılar arxasında sanki Qarabağla bağlı yenilik olduğuna dair
fikirlər ortaya çıxdı, qəfil cəbhədə döyüşlər başlandı və dünyanın
diqqəti bura yönəldi.
- Vaşinqtonda Con Kerrinin Prezident İlham Əliyevlə
Dağlıq Qarabağ haqda müzakirələr aparması və bu müzakirələrdə Serj
Sarkisyanın olmaması da diqqət çəkdi. Bunu necə şərh
edərsiniz?
- Ehtimal etmək olar ki, ABŞ-ın Əliyev və Sarkisyanı
Vaşinqtonda görüşdürmək istəyi Rusiyanı hərəkətə keçirib. Rusiya
xüsusilə Ukrayna və Suriya böhranından sonra dünyada özünə qarşı
bir həmlə edilə biləcəyi ehtimalını ön planda tutur. Belə bir
vəziyyətdə Rusiyanın Qarabağda təşəbbüsü əlindən qaçırmamaq və
ABŞ-dakı toplantının təsirini azaltmaq üçün Ermənistan üzərindən
cəbhədə gərginliyi artırması ehtimalı var. Bu situasiya yaxın
gələcəkdə Qarabağa diqqəti daha da artıracaq.
“Azərbaycan 6 saatlıq hərbi əməliyyatla torpaqlarını
işğaldan azad edə bilər”
- Baş verənlər Azərbaycanın ərazi bütövlüyünün bərpası
ilə nəticələnə bilərmi?
- Azərbaycan üçün Qarabağ olduqca önəmlidir. Bu döyüşlərin
nəticəsində bütün dünyanın diqqəti Qarabağa yönəlmişkən, Azərbaycan
diplomatik kanalları işə salaraq ərazilərini sülh yolu ilə işğaldan
azad etməlidir. Müharibə regional olmaqdan çıxa, bəlkə də Rusiyanın
özünə də sıçraya bilər. Buna görə də müharibə ən son variant
olmalıdır. Amma digər versiyadan çıxış etsək, Azərbaycan 6 saatlıq
hərbi əməliyyatla torpaqlarını işğaldan azad edə bilər. Fikrimcə,
hazırda diplomatiya dərhal işə salınmalıdır. Bütün beynəlxalq
təşkilatlarda Azərbaycan öz haqlı mövqeyini müdafiə
etməlidir.
“Ermənistan Qarabağın yükünü daşıya
bilməyəcək”
- Türkiyə Azərbaycana bu məsələdə dəstək verir. Əgər
genişmiqyaslı müharibə olarsa, Ankaranın dəstəyi necə
olacaq?
- Müharibə ən son variantdır və bütün müharibələr sülh üçün
edilir. Fikrimcə, Ermənistan bölgədə Qarabağın yükünü artıq daşıya
bilməyəcək. Eyni zamanda, Azərbaycan da hazırki gərginliyi
dəstəkləmir. Buna görə də hər iki tərəf bu vəziyyətdən istifadə
etmək istəyənlərə fürsət vermədən, danışıqlara
başlamalıdır.
Türkiyəyə gəlincə, bütün şərtlərdə Azərbaycanın yanındadır.
Buna heç kimin şübhəsi olmasın. Lakin müharibə yox, diplomatiya
qalib gəlməlidir. Rusiya da Qarabağ məsələsində özünə qarşı bir
cəbhənin açılacağı qorxusuna qapılmamalı, regional sülh üçün
Qarabağın gələcəyi tezliklə dəqiqləşdirilməlidir. Əgər gərginlik
belə davam edərsə, bu vəziyyət Rusiya üçün da təhlükələr yaradacaq.
Buna görə də diplomatiyadan çəkinməmək lazımdır.
Asif Nərimanlı
-
Qarabağ 17:10
Vardanyanın Bakıda “yazdığı” məktub həbsxanadan necə çıxıb?
-
Qoroskop16:42
40 yaşından sonra həyatları dəyişəcək bürclər: Pul, ev, karyera...
-
Rəsmi xronika16:00
İlham Əliyev və xanımı Şuşada açılışda iştirak etdilər
-
Sosial15:20
Əməkhaqqı ilə bağlı mühüm dəyişiklik - İyulun 1-dək...
-
Rəsmi xronika14:41
Prezident və birinci xanım Şuşada
-
Dünya14:12
Cəlal Şəngördən şok iddia: Türkiyə bu ölkə ilə birləşəcək
-
Dünya13:52
20 ildən sonra ilk dəfə xəbərdarlıq edildi - Bu gün başlayır, çox təhlükəlidir...
-
İqtisadi gündəm13:27
Türkiyə gündəmi silkələndi: Ərdoğanın vəzifədən azad etdiyi xanım qayıdır