Nida.az

“Ortada İsa Qəmbərin adı varsa...”- KXCP sədrindən Cəmil Həsənliyə etiraz

12 Avqust 2014 18:19

“Əli Kərimli və Cəmil Həsənlinin həbslərlə bağlı tədbirə qatılmaması doğru addım deyildi”.

Publika.az-a açıqlamasında bu sözləri Klassik Xalq Cəbhəsi Partiyasının (KXCP) sədri Mirmahmud Mirəloğlu deyib.

KXCP sədrinin sözlərinə görə, əsas məsələ insan haqlarının müdafiəsidir: “Burada hansısa siyasi maraqlardan söhbət getmirdi. Təşəbbüs İsa bəy tərəfindən gəldi və biz bunu dəstəklədik, tədbirin təşkilatçılığını üzərimizə götürdük. Ortada İsa Qəmbərin adı olduğu üçün tədbirə qatılmamaq doğru addım deyil. Təkrar edirəm, söhbət siyasi maraqlardan deyil, insan haqlarının müdafiəsindən gedir”.

Qeyd edək ki, avqustun 11-də KXCP-nin qərargahında Müsavat başqanı İsa Qəmbərin təşəbbüsü ilə keçirilən tədbirə dəvət olunmasına baxmayaraq, Milli Şuranın sədri Cəmil Həsənli və AXCP sədri Əli Kərimli gəlməyib.

Asif