Xərçəngin çox vaxt göz ardı edilən 5 ƏSAS ƏLAMƏTİ

Mayo Clinic Tibb Mərkəzinin ( ABŞ ) alimləri xəstələrin əksəriyyətinin görməməzlikdən gəldiyi xərçəngin beş əsas əlamətini açıqlayıblar.

Publika.az xəbər verir ki, tədqiqatın nəticələri "New England Journal of Medicine" (NEJM) jurnalında dərc olunub.

Əlanətlərə davamlı öskürək, ürək yanması, ət xallarının forma və ölçüsündə dəyişikliklər, genişlənmiş limfa düyünləri və nəcisdə qan varlığı daxildir.

Mütəxəssislərin fikrincə, xərçəngin aşkarlanması çətindir, çünki insanlar çox vaxt ilk xəbərdarlıq əlamətlərinə əhəmiyyət vermir, onları başqa xəstəliklərin nəticəsi kimi qəbul edirlər.

Tədqiqatın rəhbəri, onkoloq Daren Kovalın qeyd edib ki, davamlı öskürək ən çox nəzərə alınmayan əlamətdir. Alim vurğulayıb ki, söhbət məlum səbəblər olmadan üç həftədən çox davam edən öskürəkdən gedir. Bu, ağciyərlərdə xərçəngli şişlərin mövcudluğuna işarə edə bilər.

Digər narahatedici simptom boğazda və ya özofagusda şişlərin mümkün inkişafını göstərən xroniki ürək yanmasıdır. Alimlər vurğulayıblar ki, davamlı reflüks ciddi tibbi diqqət tələb edir.

Bundan əlavə, mütəxəssislər, xüsusilə yanma və ya qaşınma hissləri görünsə, ət xallarındakı dəyişikliklərə diqqət yetirməyi məsləhət görürlər. Uzun müddət davam edən şişkin limfa düyünləri və nəcisdə qan da diqqətdən kənarda qalmamalı olan simptomlardır.

Hüseyn İbadlı