Nida.az

Arif Hacılıdan “facebook” qadağası

25 Oktyabr 2014 14:50

Müsavat Partiyasında sosial şəbəkə müzakirəsi açılıb.

Publika.az xəbər verir ki, partiyanın Məclis iclasında söz alan Valeh Hümbətov başqan Arif Hacılıya müraciət edərək bildirib ki, Cavid və Rüfət Hacıbəyli qardaşları Məclis üzvlüyünə ərizələrinin qeydə alınmasının gecikməsinə görə sosial şəbəkələrdə şikayət xarakterli statuslar paylaşır.

V. Hümbətov irad olaraq qeyd edib ki, bu cür məsələlər sosial şəbəkələrə çıxarılmamalıdır, partiyanın daxilində həll edilməlidir.

Arif Hacılı deyib ki, bu məsələ barədə dünən Cavid Hacıbəyli ilə danışmaq istəsə də alınmayıb: “Bu gün Cavid bəylə danışıb bu məsələni həll etdik. Ümid edirəm ki, hər kəsə də aydın oldu. Əlavə nəsə deməyə ehtiyac yoxdur”.

Asif