Paşinyanı YOX EDƏCƏK SSENARİ, hücum əmri gözləyən 80 min ƏSGƏR... – GÜNÜN SİYASİ XÜLASƏSİ

Nikol Paşinyanın Ermənistanın baş naziri postuna təyin edildi. ABŞ prezidenti Türkiyəni iqtisadi zərbə ilə təhdid edib. Türkiyənin Donald Trampa cavabı özünü çox gözlətməyib. Türkiyə Silahlı Qüvvələrinin Münbiç və Fərat çayının şərqində həyata keçirməyi planlaşdırdığı əməliyyata hazırlıqlar böyük ölçüdə tamamlanıb. Belarus diplomatik missiyanın mümkün genişləndirilməsi haqqında Birləşmiş Ştatlarla danışıqlar aparır.

Ermənistan prezidenti Armen Sarkisyan Nikol Paşinyanın ölkənin baş naziri postuna təyin edilməsi haqqında sərəncam imzalayıb. Sərəncama görə, Paşinyan 15 gün ərzində Ermənistanın yeni hökumətini formalaşdırmalıdır. Yeni kabinet parlamentdə təsdiqləndikdən sonra fəaliyyətə başlayacaq.

Ararat Mirzoyan Ermənistan parlamentinin spikeri seçilib. Mirzoyanın spiker seçilməsini parlamentin 132 deputatından 131-i dəstələyib.

Qeyd edək ki, Mirzoyan Paşinyanın rəhbərlik etdiyi Vətəndaş Müqaviləsi Partiyasının təsisçilərindən biridir. O, 2018-ci ilin mayından dekabrına qədər Ermənistan baş nazirinin birinci müavini olub.

Erməni siyasi şərhçi Razmik Akopcanyan Rusiyanın bu il Ermənistanda “dişini yoxlayacağını” iddia edir.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Suriyanın şimali-şərqində kürd qruplaşmalarının (PYD/YPG terror təşkilatı –red.) mövqelərinə hücüm edəcəkləri halda, Türkiyəyə iqtisadi zərbə vurulacaq. Bu haqda ABŞ prezidenti Donald Tramp bildirib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Türkiyə Müdafiə Nazirliyi Türkiyəni təhdid edən ABŞ Prezidenti Donald Trampa dövlət başçısı Rəcəb Tayyib Ərdoğanın 3 il əvvəl Tvitterdəki paylaşımı ilə cavab verib. Nazirliyin Tvitterdəki rəsmi səhifəsi Ərdoğanın 2015-ci ildəki məlum paylaşımını yenidən yayımlayıb.

Prezident Ərdoğan həmin paylaşımında bildirmişdi: “Bütün dünyaya səslənirəm. Bədəli nə olursa-olsun, Suriyanın şimalında – Türkiyənin cənub sərhədlərində yeni dövlətin qurulmasına icazə verməyəcəyik”.

Türkiyənin xarici işlər naziri Mövlud Çavuşoğlu təşkil etdiyi mətbuat konfransında ABŞ Prezidenti Donald Trampın Türkiyənin ünvanına etdiyi təhdidə cavab verib. Nazir əlaqə kanallarının açıq olduğunu və strateji tərəfdaşların sosial şəbəkə üzərində danışmamalı olduğunu deyib.

“Bizim əlaqə kanallarımız açıqdır. Prezident Donald Tramp prezidentimizə iki dəfə zəng edərək “Suriyadan çəkilmək istəyirik” dedi. İki gün əvvəl dövlət katibi Maykl Pompeo ilə görüşdüm. Con Bolton Türkiyəyə ziyarət etdi. Bizə verilmiş sənədə görə cavabımızı ABŞ-a göndəririk”, - nazir bildirib.

Çavuşoğlu Suriyanı parçalamaq istəyən bir terror təşkilatının olduğunu, Türkiyənin hədəfinin bu terror təşkilatı olduğunu qeyd edib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

ABŞ prezidenti Donald Trampın Türkiyəni təhdid etməsi gündəmdə bomba effekti yaratdı. Ağ Evin başçısı Suriyanın şimali-şərqində kürd qruplaşmalarının (PYD/YPG terror təşkilatı –red.) mövqelərinə hücüm edəcəkləri halda, Türkiyəni iqtisadi zərbə ilə təhdid edib. Trampın bəyanatını şərh edən Türkiyənin “Haber7” saytının yazarı Taha Dağlı iqtisadi təhdidin pərdəarxasını yazıb.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Türkiyə Silahlı Qüvvələrinin Münbiç və Fərat çayının şərqində həyata keçirməyi planlaşdırdığı əməliyyata hazırlıqlar böyük ölçüdə tamamlanıb. 80 min hərbçi hücum əmrini gözləyir.

Bu rəqəm, 1974-cü ildə Kipr əməliyyatında iştirak edən hərbi qüvvədən iki dəfə çoxdur. Türkiyə Cümhuriyyəti tarixində ən böyük əməliyyat Şanlıurfa və Kilis vilayətlərindən idarə olunacaq. “Mehmetcik” eyni anda 10-dan çox nöqtədən hücuma keçəcək.

Hədəf təxminən 30 min kvadrat kilometr ərazini terror təşkilatlarından təmizləyərək “terror dəhlizi” təhdidini tamamilə aradan qaldırmaqdır.

Birləşmiş Ştatlarda neft hasilatının artması Rusiya üçün pis xəbərdir. Bu haqda ABŞ prezidenti Donald Tramp tvitter səhifəsində “Fox&Friends” proqramından sitat gətirib.

Xəbərdə deyilir ki, indi ABŞ ötən bütün dövrlərdən daha çox neft hasil edir.

“Amma bu, Rusiya üçün pis xəbərdir. Prezident Tramp niyə belə edə bilərdi? Siz düşünürdünüz, o, Kremlə işləyirdi?” - Tramp əlavə edib.

Belarus diplomatik missiyanın mümkün genişləndirilməsi haqqında Birləşmiş Ştatlarla danışıqlar aparır. Bu haqda Belarusun Xarici İşlər Nazirliyinin başçısı Vladimir Makey bildirib.

Onun sözlərinə görə, hazırda ölkələr onlar arasında mövcud olan bütün problemli məsələləri müzakirə edirlər.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Ömər Dağlı