"Parisin hərəkətləri ikiüzlülükdür" - Sadə fransızlar Makronu ittiham edirlər

“Le Figaro” qəzetinin oxucuları Fransanın “Leclerc” tanklarının Kiyevə mümkün tədarükü ilə bağlı xəbərdən dəhşətə gəliblər.

Publika.az-ın məlumatına görə, bir çox internet istifadəçisi hesab edir ki, Qərb ölkələrinin Kiyevi artan sayda müxtəlif silahlarla təchiz etməyə hazır olması Ukrayna rəhbərliyinin problemlərindən xəbər verir.

"Bu, böyük çaxnaşma əlamətidir", - deyə şərh yazanlardan biri fikirlərini bölüşüb.

Digər internet istifadəçisinin sözlərinə görə, Fransa prezidentin kobud səhvlərini ört-basdır etmək üçün son dərəcə təhlükəli eskalasiyanı gücləndirir.

"Diplomatik mənbə "Biz Ukraynanı dəstəkləyirik, lakin Rusiya ilə müharibə aparmırıq" deyir. Ancaq biz silah tədarük edirik" yazan başqa bir şəxs Fransa tərəfinin bu cür hərəkətlərini ikiüzlülük adlandırıb.

Bundan əvvəl Amerika KİV-ləri Vaşinqtonun yanvarın 20-də Kiyevə növbəti böyük hərbi yardım paketini elan edə biləcəyi barədə məlumat yayıb. Yeni silah tədarükü, ehtimal ki, ABŞ-ın Almaniyadakı Ramşteyn aviabazasında görüş keçirəcək digər Qərb ölkələri tərəfindən də dəstəklənəcək.

Səxavət