Ankara İlon Maskı "Tvitter"in ölkənin işlərinə qarışması barədə danışmağa çağırdı
Bizi izləyin

Nida Xəbər

Ankara İlon Maskı "Tvitter"in ölkənin işlərinə qarışması barədə danışmağa çağırdı

Türkiyə Prezidenti Administrasiyasının kommunikasiya şöbəsinin rəhbəri Fahrettin Altun "Tvitter"in sahibi və baş direktoru İlon Maska şirkətin ölkənin siyasi həyatına müdaxiləsi ilə bağlı məlumatları təqdim etməyi təklif edib.

Publika.az xəbər verir ki, F.Altunun sözlərini TASS sitat gətirir.

“Keçmişdə "Tvitter" vasitəsilə Türkiyənin siyasi həyatına hansı müdaxilələrin edildiyini izah edin. Prezidentimizin və bizim hesablara tətbiq edilən gizli senzura ilə bağlı məlumatları açıqlayın. Türkiyəyə qarşı fəaliyyət göstərən terror təşkilatlarına sistemli şəkildə hansı təbliğat imkanları yaradılıb?”, - deyə agentlik Altunun sözlərini sitat gətirir.

O, Maskı bu suallara cavab verməyə çağırıb ki, bütün dünya neokolonializmin istifadə etdiyi hibrid üsulları aydın və dəqiq şəkildə görə bilsin”.

“Bir izahat verin ki, biz hamımız sosial şəbəkələrə yenidən etibar edək və onların kommunikasiya platforması olduğuna inanaq”, - deyə Türkiyə rəsmisi vurğulayıb.

Səxavət

Oxumağa davam et
Reklam
Reklam

Gündəm