Nida Xəbər

Ukraynadakı münaqişə III dünya müharibəsinə keçəcək - Baş nazir

6 Fevral 2023 15:30

Polşanın Baş naziri Mateuş Moravetski etiraf edib ki, Rusiya ordusu Ukraynanı tərk etməsə, münaqişə üçüncü dünya müharibəsinə çevrilə bilər.

Publika.az xəbər verir ki, bu barədə o, İspaniyanın “El Mundo” nəşrinə müsahibəsində bildirib.

Moravetski deyib ki, müharibənin sonu, Rusiya öz qoşunlarını Ukraynadan çıxaranda gələcək. “Ya könüllü, ya da məcburi formada”, - deyə o qeyd edib.

“Məcburi forma”nın üçüncü dünya müharibəsi mənasını verə biləcəyinə dair aydınlaşdırıcı sualı cavablandıran Polşanın Baş naziri deyib: “Biz bütün ssenariləri nəzərə alırıq”.

Bundan əvvəl İtaliyanın müdafiə naziri Qvido Krozetto bəyan etmişdi ki, üçüncü dünya müharibəsi rus tankları Kiyevə və Avropa sərhədlərinə çatanda başlayacaq. Rusiya Təhlükəsizlik Şurası sədrinin birinci müavini Dmitri Medvedev hesab edir ki, əgər üçüncü dünya müharibəsi olarsa, o, tanklarla və qırıcılarla olmayacaq və bu zaman hər şey toza çevriləcək.

Səxavət