Nida Xəbər

Lukaşenko: Həm Azərbaycan, həm də Ermənistan üçün...

8 İyun 2023 12:41

Azərbaycanla Ermənistan arasında münaqişənin həlli hər iki tərəf üçün faydalı olmalıdır.

Publik.az “Belta”ya istinadən xəbər verir ki, bunu Belarus prezidenti Aleksandr Lukaşenko Kollektiv Təhlükəsizlik Müqaviləsi Təşkilatına üzv dövlətlərin təhlükəsizlik şuralarının katibləri ilə görüşündə deyib.

Prezident vurğulayıb ki, KTMT məkanında münaqişələrdən, xüsusən də silahlı münaqişələrdən uzaqlaşmaq lazımdır. Bunlardan biri də Ermənistanla Azərbaycan arasındakı münaqişədir.

"Səbir etməklə həm Azərbaycan, həm də Ermənistan üçün faydalı olacaq həll variantı tapmaq vacibdir", - Lukaşenko deyib.

Qeyd edək ki, iyunun 12-də Vaşinqtonda Azərbaycanın xarici işlər nazirləri Ceyhun Bayramov və Ermənistanın xarici işlər naziri Ararat

Mirzoyan arasında danışıqların növbəti raundu başlayacaq.

Yerevanla Bakı arasında sülh sazişi ətrafında danışıqlar üç müxtəlif platformada aparılır - ABŞ, Aİ və Rusiya.