III Dünya müharibəsi başlayır: ABŞ Rusiya-Çin ittifaqına qarşı

ABŞ Hərbi-Dəniz Qüvvələri Rusiya və Çinin Cənubi Çin dənizində birgə hərbi təlimlərinə cavab verməyə hazırlaşır.

Publika.az xəbər verir ki, bu barədə ABŞ-ın “The Daily Signal” onlayn nəşri yazıb.

Nəşr yazır ki, 25 il sonra ilk dəfə super dövlətlərin dənizdə “əzələ nümayişi” gözlənilir.

ABŞ Hərbi-Dəniz Qüvvələrinin kontr-admiralı Maykl Manazir də Nümayəndələr Palatasının silahlı qüvvələr üzrə komitəsində çıxışı zamanı Amerika donanmasının 25 il sonra super dövlətlərin dənizlərdəki yarışında yer alacağını vurğulayıb.

Rusiya və Çinin birgə hərbi təlimlərinin təhlükəli olduğunu deyən amerikalı admiral qeyd edib ki, ABŞ donanması yaxın gələcəkdə gözlənilən təhlükələrə qarşı durmağa hazırdır. Lakin o, modernləşmə və hərbi gəmi istehsalının gücləndirilməsi üçün lazımı maliyyə olmayacağı təqdirdə, ABŞ donanmasının uzunmüddətli perspektivdə zəifləyəcəyini də diqqətə çatdırıb.

Kontr-admiral ABŞ Hərbi-Dəniz Qüvvələrinin qlobal planını təqdim edib. Onun sözlərinə görə, ABŞ Yaxın Şərqdə “Harri Trumen” adlı təyyarədaşıma gəmisini yerləşdirməyi bacardı.

“Aralıq dənizinin şərq hissəsində “Harri Trumen”in yerləşdirilməsi bizə üstünlük qazandırdı. 2003-cü ildə ABŞ donanması orada genişmiqyaslı manevrlər edə bilmirdi. İndi bu imkan təmin olunub.

“The Daily Signal” isə yazır ki, yaxın günlərdə ABŞ donanması Qara dənizdə genişmiqyaslı hərbi təlimlərə başlayacaq. Bu Rusiya və Çinə cavabdır. Ekspertlər isə super güclərin bu yarışının təhlükəli olduğunu, dənizlərdə qarşıdurmanın güclənə biləcəyini qeyd edirlər. Bu isə III dünya müharibəsinə səbəb ola biləcək amillərdəndir.

Asif