“Real” “Barselona”nı məğlub etdi – VİDEO

“Panama Legends Cup" çərçivəsində "Barselona" və "Real"ın yaşayan əfsanələri qarşılaşıb.

Madrid təmsilçisi bu görüşdə qələbə qazanıb. Qarşılaşmanın taleyini sadəcə bir qol həll edib. Qolun sahibi isə kolumbiyalı Edvin Konqo olub.

Matçda vaxtilə hər iki klubun şərəfini qorumuş əfsanəvi futbolçular üz-üzə gəliblər. Onların arasında Luiş Fiqu, Miçel Salqado, Rivaldo, Patrik Kluyvert, Edqar Davids, İvan Samorano, Qaiska Mendiyeta və başqaları olub.

Bu görüşdən əldə edilən gəlir xeyriyyə işlərinə sərf ediləcək.

Aygün İlqarqızı