“Standard & Poors” Rusiyanın kredit reytinqini “zibil” səviyyəsinə saldı

Beynəlxalq reytinq agentliyi “Standard & Poors” son 10 ildə ilk dəfə Rusiyanın suveren kredit reytinqini BBB-dən BB+ endirib. Bu da ən aşağı investisiya həddidir.

Agentliyin qiymətləndirməsinə əsasən, Rusiyanın iqtisadi artım perspektivi zəifləyib. “Standard & Poors” eyni zamanda fiskal və xarici ehtiyatların tükənməsinin gözləndiyini bildirib.

Xatırladaq ki, yanvarın 9-da “Fitch” Rusiyanın uzunmüddətli kredit reytinqini aşağı salmışdı. Buna səbəb kimi də rublun dəyərinin düşməsini, uçot stavkasının 17 faizə qaldırılmasını göstərmişdi.

Yanvarın 16-da isə “Moody's” Rusiyanın uzunmüddətli dövlət istiqrazları reytinqini Baa2-dən Baa3-ə salmışdı.

İqtisadiyyat şöbəsi