• USD 1,7000 0,00% EUR 2,0722 0,00%
    • GBP 2,4112 0,00% RUB 0,0237 0,00%

Manat üçün 84 milyon xərclənəcək

  • Pul
  • 30 Sentyabr 2016 16:41
  • 931 Baxış
Manat üçün 84 milyon xərclənəcək

2017-ci ilin dövlət büdcəsində valyuta məzənnəsinin tənzimlənməsi ilə bağlı xərclərə 84,0 milyon manat vəsait ayrılıb.

Publika.az xəbər verir ki, manatın məzənnəsi ilə bağlı ilk dəfədir büdcədən vəsait nəzərdə tutulur. Qeyd edək ki, avqust ayında milli valyutanın 1 ABŞ dollarına nisbətdə orta məzənnəsi 1,61 manata (ilin əvvəlindən 1,56 manata), 1 Avroya – 1,81 manata (1,74), 100 Rusiya rubluna – 2,48 manata (2,27) bərabər olub. Hökumət manatın məzənnəsini sabit tutmağa çalışır. 2016-cı ildə valyuta hərracı vasitəsilə təxminən 4,6 milyard dollar satılıb. Bunun təxminən 3,8 milyard dolları Neft Fondu, 833 milyon dolları Mərkəzi Bank tərəfindən satılıb.

Sentyabr ayında valyuta hərracında 614,4 milyon dollar yaxın dollar satılıb ki, bu da yanvardan sonra ən yüksək göstəricidir. Ən az satış isə aprel ayında olmuşdu – 263 milyon dollar. Qeyd edə ki, sentyabr ayında valyuta satışının çox olması, dolların qalxmasına müdaxilə etmək məqsədilə təklifin artırılması ilə əlaqədar olub.

Dövlət Neft Fondu bu il Dövlət Neft Fondunun (ARDNF) 2016-cı ildə manatla öhdəlikləri dövlət büdcəsinə transfer və digər öz xərcləri ilə birlikdə 8 milyard manata (təxminən 4,9 milyard dollar) yaxındır.

İqtisadiyyat şöbəsi

Halal Nemət

Xəbər lenti

DAHA ÇOX XƏBƏR