Pul

Bu ölkədə 400 adamın 947 milyard dolları var

9 İyul 2017 11:49

27-si qadındı.

Dünyanın ikinci ən böyük iqtisadiyyatına sahib olan Çində milyarderlərin siyahısı açıqlanıb.

Publika.az “Forbes”ə istinadən xəbər verir ki, 400 varlı çinlinin birgə sərvətinin həcmi 947 milyard dollardır. Bu da 2015-ci illə müqayisədə 14 faiz artım deməkdir.

2016-cı ildə siyahıya daha 68 yeni iş adamı əlavə olunub. Bundan əlavə 400 nəfərin arasında 27 milyarder qadın var. Onlardan ən gənci 35 yaşlı Yan Xuyandır. Hansı ki həm də 7 milyard dollar sərvəti ilə Çinin ən zəngin qadınıdır. Siyahıda ən yaşlı iş adamı 75 yaşlı Çan Layvadır.

O ki qaldı varlı çinlilərin harada yaşamasına, onlardan 18 nəfəri Pekində, 12-si Şanxayda, 11-i Şençjendə, 8-i Quançjouda yaşayır. Ümumiyyətlə isə milyarderlərin əksəriyyəti Çinin sahil rayonlarında məskunlaşıb.

Çinin ən varlı iş adamı isə 33 milyard dollar sərvəti ilə Van Szyanlindir.

O daşınmaz əmlak milyarderidir.

İqtisadiyyat şöbəsi