Bundan sonra Neft Fondundan... - QANUN DƏYİŞDİ

“Büdcə sistemi haqqında” qanun layihəsinə dəyişikliklər edilib.

Publika.az xəbər verir ki, qanun layihəsini millət vəkili Ziyad Səmədzadə məlumat verib.

Millət vəkili bildirib ki, neftdən nisbətən asılı olan ölkələrdə bu qanunun qəbulu səmərə verir:

“Dəyişiklik dayanıqlı inkişafın artırılması, toplanan vəsaitlərin gələcək nəsillər üçün istifadəsinə və problemlərin bir hissəsini neft gəlirləri hesabına təmin edilməsinə imkan yaradacaq. Qanun neft gəlirləri ilə icmal büdcəsini nə qədər artıra biləcəyimizi müəyyən edir. Qanun layihəsinə edilən dəyişikliyə əsasən növbəti il və ondan sonrakı il üçün icmal büdcə xərclərinin proqnozlaşdırılan yuxarı həddi bu maddəyə uyğun olaraq hesablanan icmal büdcə xərclərinin yuxarı həddindən artıq ola bilməz. İcmal büdcə xərclərinin yuxarı həddi cari ilin təsdiq olunmuş icmal büdcə xərclərinin 103 faizindən çox olmamaqla xərclənə bilər. Bundan sonra necə gəldi Dövlət Neft Fondundan vəsait götürə bilməyəcəyik”.

Qanun layihəsi səsə qoyularaq qəbul edilib.

Gülxar