• USD 1,7000 0,00% EUR 1,8941 +0,46%
    • GBP 2,2470 +0,60% RUB 0,0269 +0,74%

İnflyasiya ilin sonuna kimi 1 milyon faizə çatacaq – Ölkə UÇURUMA GEDİR

  • Pul
  • 24 İyul 2018 06:05
  • 1 792 Baxış
İnflyasiya ilin sonuna kimi 1 milyon faizə çatacaq – Ölkə UÇURUMA GEDİR

Venesuelada 2018-ci ilin sonunda inflyasiyanın səviyyəsi 1 milyon faiz olacaq.

Publika.az TASS agentliyinə istinadən xəbər verir ki, bu haqda Beynəlxalq Valyuta Fondunun Qərb yarımkürəsində iqtisadi situasiya haqqında hesabatında deyilir.

“Biz Venesuelada 2018-ci ilin sonuna kimi inflyasiyanın bir milyon faizə qədər artmasını proqnozlaşdırırıq. Bu onu göstərir ki, Venesuelada 1923-cü ildə Almaniyada və ya 2000-ci illərin sonunda Zimbabvedə yaranmış vəziyyətə oxşar vəziyyət yaranacaq”, - sənəddə qeyd edilir.

Fond vurğulayır ki, Venesuela dərin iqtisadi və sosial böhrandadır. 2018-ci ildə ölkənin ümumi daxili məhsulun təxminən 18 faiz azalacağı gözlənilir.

“Ardıcıl üçüncü ildir ki, ölkədə ümumi daxili məhsulun azalması ikirəqəmli rəqəmlərlə ifadə edilir”, - Beynəlxalq Valyuta Fondu bildirib.

Fondun ekspertlərinin fikrincə, bu, neft hasilatının əhəmiyyətli dərəcədə düşməsi ilə bağlıdır.

Beynəlxalq Valyuta Fondunun aprel ayında açıqladığı hesabata görə, 2018-ci ildə Venesuelada inflyasiyanın səviyyəsi 13 min 865 faiz proqnozlaşdırırdı. Bu, dünyada inflyasiyanın ən yüksək göstəricisidir. İkinci yerdə Sudan gəlir. Bu ölkədə 2018-ci ildə inflyasiyanın səviyyəsi 43,5, 2019-cu ildə isə 39,5 faiz proqnozlaşdırılır.

Ömər

Xəbər lenti

DAHA ÇOX XƏBƏR