Pul
Hesablama Palatasının sədri: “2018-ci ildə manat sabitliyini saxlayıb”
2018-ci il iqtisadiyyat üçün uğurlu olub. İqtisadi amillərin dəyişkənliyi makro-iqtisadi mühitin davranışına təsir edərək bəzi ölkələrin büdcəsinə təsir göstərib. Neftin qiymətinin artması 2018-ci ildə müsbət şəraiti formalaşdırıb.
Publika.az xəbər verir ki, bunu Hesablama Palatasının sədri Vüqar Gülməmmədov Milli Məclisdə çıxışı zamanı deyib.
Palata sədri əlavə edib ki, 2018-ci ilin dövlət büdcəsi milli valyutanın məzənnəsinin sabitliyi çərçivəsində icra edilib: "Habelə qonşu ölkələrdə devalvasiya qeydə alınsa da, manat stabil dinamika nümayiş etdirib.
Qeyd edək ki, “2018-ci il dövlət büdcəsinin icrası haqqında” Qanun layihəsinə və dövlət büdcəsinin icrasına dair illik hesabata Hesablama Palatasının rəyində qeyd edilir ki, 2018-ci ildə inflyasiya proqnozlaşdırılan səviyyədən aşağı olub, qiymət artımı tempinin səngiməsinin əsas səbəbi, əvvəlki 3 ildən fərqli olaraq, 2018-ci ildə inflyasiyanın təkanverici determinantları arasında manatın məzənnəsinin dominantlığının aradan qalxması olub.
Hesabat ilinin yanvar-dekabr ayları ərzində ötən ilin müvafiq dövrü ilə müqayisədə 2,3% inflyasiya qeydə alınıb. 2018-ci il büdcə zərfinə daxil olan məlumatlara görə, inflyasiya 6,1% nisbətində proznozlaşdırılıb. Göründüyü kimi, inflyasiya göstəricisi proqnoz və gözlənilən rəqəmlə müqayisədə müvafiq olaraq 3,8 və 0,8 faiz az olmuşdur. Palatanın rəyində dövlət borcları haqqında qeyd edilir ki, 2018-ci il dövlət büdcəsində bu məqsədlə 2262777,5 min manat məbləğində vəsait nəzərdə tutulub, il ərzində mərkəzi icra hakimiyyəti orqanı tərəfindən 27200,0 min manat azaldılaraq 2235577,5 min manat müəyyən edilib və 100% səviyyəsində icra edilib. İcra edilmiş məbləğ 2017-ci ilin müvafiq göstəricisi ilə 47,7% çox olub. Dövlət borcuna və öhdəliklərinə xidmət edilməsi ilə bağlı xərclərin xüsusi çəkisi 2018-ci il dövlət büdcəsi xərclərində 9,8 %, dövlət xidmətləri xərclərində 63,4 faiz olub".
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ
-
Nida Xəbər 07:50
Peter Siyartonun Azərbaycana rəsmi səfəri başladı
-
Sağlamlıq07:10
Yabanı halda bitən bu bitki xərçəng hüceyrələrini 48 saatda məhv edir!
-
İdman06:40
Bellinqem bu gözəllə münasibətə başladı - FOTOLAR