BFB-nin ticarət dövriyyəsi 13 faiz azalıb
Bizi izləyin

Pul

BFB-nin ticarət dövriyyəsi 13 faiz azalıb

BFB-nin ticarət dövriyyəsi 13 faiz azalıb

Cari ilin 7 ayında Bakı Fond Birjasında qiymətli kağızlar üzrə keçirilən əməliyyatların ümumi həcmi 8 milyard 230 milyon 625,225 manat təşkil edib.

BFB-dan Publika.az-a verilən məlumata görə, bu göstərici ötən ilin eyni dövrü ilə müqayisədə 13,1 faiz aşağıdır.

Cari ildə korporativ qiymətli kağızlar üzrə ticarət həcmi 576 milyon 559 min manat təşkil edib ki, bu da ötən ilin müvafiq dövrünə nisbətən 173 faiz çoxdur. Bu dövrdə satılan əqdlərin sayı 2,499 ədəd olub.

Korporativ qiymətli kağızlar üzrə repo əməliyyatların həcmi 3 milyard 105 milyon 269,917 manat olub ki, bu da ötən ilin eyni dövrü ilə müqayisədə 596 faiz artım deməkdir.

Qeyd edək ki, bu ilin iyul ayının son ticarət günü üzrə Bakı Fond Birjasının ümumi kapitalizasiyası 4 milyard 126 milyon 509,205 manat təşkil edib.

Rövşən Ziya

Teqlər
Oxumağa davam et
Reklam
Reklam

Gündəm

Zəfaran Hospital
Səba