Pul

Rubl bahalaşdı, avro və dollar UCUZLAŞDI

23 Sentyabr 2022 17:51

Bu gün Moskva birjasının indeksində kəskin azalma müşahidə olunub. Yerli vaxtla saat 15:07-ə olan məlumata görə, Moskva birjası indeksi 2097,14 bənd (-4,28%), RTS indeksi 1163,51 bənd (-0,94%) səviyyəsində təklif olunur.

Publika.az “komersant.ru”ya istinadən xəbər verir ki, bu gün Rusiyada Amerika və Avropa valyutaları da ucuzlaşmaqda davam edib. Hazırda 1 avro 55,28 rubl (-2,31%), dollar 56,9 rubl (-1,9%) ucuzlaşıb.

Qeyd edək ki, sentyabrın 21-də elan edilmiş qismən səfərbərlik fonunda Rusiya bazarı maksimum 9,45% azalma göstərib və demək olar ki, 2000 bənd təşkil edib. Dollar 62,8 rubla kimi bahalaşıb, lakin ticarət 60,7 rubl səviyyəsində bağlanıb.

Mütəxəssislər hesab edir ki, bazarı ilk növbədə “Qazprom”dan kütləvi dividend ödənişləri ilə dəstəkləmək olar.

Rövşən Ziya