FES-dən dollarla bağlı KRİTİK QƏRAR: "Siyasət sərtləşdiriləcək..."

Federal Ehtiyatlar Sisteminin (FES) rəhbərliyi ABŞ iqtisadiyyatı üçün risklərə baxmayaraq, pul siyasətinin sərtləşdirilməsi siyasətini davam etdirmək niyyətindədir.

Publika.az xəbər verir ki, Federal Açıq Bazar Komitəsinin (FOMC) çərşənbə günü dərc olunan protokollarında belə deyilir.

Dekabr iclasının protokolunda deyilir: "İştirakçılar ümumi olaraq razılaşdılar ki, inflyasiya mütləq 2 faizə yaxın olduğu halda, məhdudlaşdırıcı siyasətin uzun müddət saxlanılması risklərin idarə edilməsi baxımından məqbuldur".

FES inflyasiyanın 2%-lik davamlı bir yola qayıtmasını gözləyir. Eyni zamanda, iclas zamanı bir sıra FOMC üzvləri iştirakçılara pul siyasətinin daimi sərtləşdirilməsinə qarşı xəbərdarlıq ediblər.

"İştirakçılar ümumiyyətlə qeyd etdilər ki, komitənin gələcək siyasət qərarları barədə məlumat veriləcək və komitə iclaslar keçirərək qərarlar qəbul etməyə davam edəcək, - FES-dən bildirilib.

Dekabr iclasının nəticəsi olaraq ABŞ Federal Ehtiyat Sistemi uçot dərəcəsini 50 baza bəndi artıraraq illik 4,25-4,5%-ə çatdırmaq qərarına gəlib.

FES rəhbəri Cerom Pauel daha sonra bildirib ki, monetar tənzimləyici inflyasiyanın azalması sabit və dayanıqlı olduğu ortaya çıxana qədər baza faiz dərəcəsinin yüksək səviyyədə saxlanmasını məqsədəuyğun hesab edir.

Əvvəllər FES dərəcəsini bir neçə dəfə 75 baza bəndi artırıb, lakin ABŞ-da inflyasiyanın yavaşlaması fonunda daha mötədil tədbirlərə keçib.

Hüseyn İbadlı