Bu banklarda xarici valyuta qəbulu dayandırıldı

Rusiyanın ən böyük bankları xarici valyuta qəbulunu dayandırıb.

Publika.az “İzvestiya” qəzetinə istinadən yazır ki, 13 kredit təşkilatından 11-nin bankomatlarında dollar və avro yatırmaq qeyri-mümkündür.

Xarici valyuta qəbulunu dayandıran banklara VTB, Otkritie, Raiffeisen, Unicreditbank, MKB, RSHB, PSB və Rosbank daxildir.

Bankomatları xarici valyutada hesabın doldurulmasını dəstəkləyən yeganə əsas kredit təşkilatları Alfa və Tinkoff-dur.

Qeyd edək ki, bundan əvvəl Qırğızıstan bankları Rusiyanın “Unistream” ödəniş sistemi ilə işləməyi müvəqqəti dayandırıb. Xarici valyutada köçürmələr Kompanion Bank, Finca Bank, RSK Bank, Kapital Bank, Halyk Bank və Bank of Asia tərəfindən qadağan edilib. Kredit təşkilatları sistemdə dollar və avro ilə əməliyyatların artıq mövcud olmadığını bildirib.

Qərbin Rusiya kredit təşkilatlarına qarşı sanksiyaları ilə bağlı oxşar tədbirlər Qazaxıstan, Özbəkistan, Ermənistan və Gürcüstan bankları tərəfindən də tətbiq edilib.

Mehti Kamiloğlu