Kriptovalyuta kralı həbs edildi

ABŞ-ın Nyu-York şəhərində bir ay davam edən dinləmələr nəticəsində dünyanın ən böyük kriptovalyuta birjalarından biri olan FTX-nin qurucusu Sem Bankman-Frid elektronik fırıldaqçılıq, qiymətli kağızlar fırıldaqçılığı və çirkli pulların yuyulması da daxil olmaqla ona qarşı irəli sürülən 7 ittihamın hamısı üzrə mühakimə olunub.

Publika.az xəbər verir ki, münsiflər heyəti dörd saatdan çox davam edən məhkəmə prosesindən sonra Bankmen-Fridi təqsirli bilib.

2022-ci ilin dekabrında yaşadığı və FTX-nin mərkəzi olduğu Baham adalarında həbs edilən Bankman-Frid ABŞ-a ekstradisiya olunmağa razılıq verdikdən sonra, ailəsinin Kaliforniyadakı evində ev dustaqlığında saxlanılmaq üçün 250 milyon dollar girov qarşılığında sərbəst buraxılıb.

31 yaşlı Bankman-Fridin uzun müddətə həbs cəzası alacağı gözlənilərkən, qərarın mart ayında açıqlanacağı bildirilib.

Xatırladaq ki, kriptovalyuta birjası FTX 2022-ci ilin noyabrında iflas etmiş və şirkətin baş direktoru Sam Bankman-Friidin istefa verdiyi açıqlanmışdı.

Nəzrin