Tarısına təpik atan Ermənistan: Görün Rusiyadan bu ölkəyə nə qədər pul köçürülür

2023-cü ilin sonunda Rusiyadan Gürcüstana pul köçürmələrinin ümumi həcmi 2022-ci illə müqayisədə 26 faiz azalaraq 1,5 milyard dollar olub.

Publika.az xəbər verir ki, bu barədə TASS Gürcüstan Milli Bankının analitiklərinin statistik məlumatlarına istinadən məlumat yayıb.

Buna baxmayaraq, Rusiya Gürcüstana pul köçürmələrinin həcminə görə lider olaraq qalır. Bu göstərici üzrə ikinci yerdə, demək olar ki, üç dəfə geriləmə ilə İtaliya qərarlaşıb - bu ölkədən ümumilikdə 518,6 milyon dollar transfer edilib (2022-ci il səviyyəsi ilə müqayisədə üstəgəl 20,1 faiz). İlk üçlüyü ABŞ tamamlayıb (456,4 milyon dollar, üstəgəl 39,5 faiz).

Ümumilikdə, 2023-cü ilin sonuna qədər xarici vətəndaşlar Gürcüstana 4,1 milyard dollardan çox pul köçürüblər. Milli Bankın məlumatına görə, 2022-ci ilin səviyyəsi ilə müqayisədə bu rəqəm 4,6 faiz azalıb.

Oktyabrın əvvəlində RBC nəşri Ermənistanın Rusiyadan pul köçürmələri üçün yeni cazibə mərkəzinə çevrildiyini yazıb. Belə ki, avqustun sonunda bu ölkəyə Rusiya Federasiyasından ümumilikdə 32,8 milyard rubl vəsait köçürülüb. 2022-ci ilin sentyabr ayı ilə müqayisədə bu rəqəm dərhal 467,9 faiz artıb və həmin ilin oktyabr ayı səviyyəsinə görə Rusiyadan köçürmələrin həcmi daha böyük ölçüdə - 560,4 faiz artıb.

Cəmilə