Pul

Nazir lirənin son vəziyyətini açıqladı: Ucuzlaşma prosesi...

20 May 2024 16:43

Türkiyə lirənin ucuzlaşma prosesinin dayandığını elan edib.

Publika.az xəbər verir ki, bu barədə ölkənin maliyyə naziri Mehmet Şimşək danışıb. O əminliklə deyib ki, türk lirəsinə inamın artması fonunda ucuzlaşma dayanıb.

"Türk lirəsi artıq dəyərdən düşməyəcək. Ona inam artıb”, - Şimşək belə deyib.

Onun sözlərinə görə, Türkiyənin xarici ticarət kəsiri azalır və maliyyə mənbələri ilə bağlı heç bir problem yoxdur.

“Hazırda Türkiyədə çoxlu xarici valyuta var, ona tələbat azalarkən, ölkəyə artıq miqdarda valyuta idxal olunur”, - nazir əlavə edib.

Maliyyə naziri, həmçinin türk ixracatçılarını narahat olmamağa çağırıb, çünki səlahiyyətlilər onlara hər cür dəstəyi verməyə davam edəcəklər.

Qeyd edək ki, mart ayında türk lirəsinin dollar qarşısında dəyəri ilk dəfə olaraq 1 dollar üçün 32 lirə səviyyəsini qıraraq tarixi minimuma çatıb. Hazırda lirə 1 dollar üçün 32,2-dən satılır.

Cəmilə