Manatın məzənnəsi ilə bağlı VACİB AÇIQLAMA - 2028-ci ilə kimi...

Azərbaycanda manatın ABŞ dollarına nisbətinin ən azı 2028-ci ilin sonuna kimi bir dollar üçün 1,7 manat səviyyəsində qalacağı proqnozlaşdırılır.

Publika.az xəbər verir ki, bu barədə Maliyyə Nazirliyindən bildirilib.

Proqnozlara əsasən, proqnoz İqtisadiyyat Nazirliyi tərəfindən hazırlanıb.

“Azərbaycan İqtisadiyyat Nazirliyinin təqdim etdiyi makroiqtisadi proqnozlarda 2025-2028-ci illər ərzində manatın ABŞ dollarına nisbətdə məzənnəsinin sabit qalacağı və cari ilin səviyyəsində olacağı gözlənilir. ", - Maliyyə Nazirliyinin açıqlamasında deyilir.

Qeyd edək ki, Hollandiyanın ING şirkətinin analitikləri Azərbaycanın ən azı 2026-cı ilin sonuna kimi manatın ABŞ dollarına nisbətdə de-fakto sabitliyini 1,7 manat/1 dollar səviyyəsində saxlayacağını proqnozlaşdırırlar. S&P Global Ratings beynəlxalq reytinq agentliyi və Asiya İnkişaf Bankı da milli valyutanın 2026-cı ilə qədər dollara bağlı qalacağını gözləyir.

Xatırladaq ki, Azərbaycan Mərkəzi Bankı 2017-ci ildə inflyasiyanın qarşısını almaq üçün milli valyutanın ABŞ dollarına nisbətdə məzənnəsini 1,7 manat səviyyəsində müəyyən edib.