100-lük əskinasın dizaynı dəyişə bilər: işğal olunmuş ərazilər... -

Rusiya Mərkəzi Bankı 100 rublluq əskinasın dizaynını dəyişə bilər.

Publika.az xəbər verir ki, bu barədə RİA Novosti məlumat yayıb.

Belə ki, tənzimləyici Dövlət Dumasının deputatı Dmitri Qusevin 100 rublluq əskinasların yenilənməsi zərurəti ilə bağlı müraciətinə cavab verib .

Mərkəzi Bank 5000 rublluq əskinaslara tətbiq edilən və eyni zamanda 10, 50, 500 və 1000 rublluq əskinaslar üçün də inkişaf etdirilən modernləşdirmə yanaşmasının seriya dizaynının vəhdətini qorumaq üçün 100 rublluq əskinaslara qədər genişləndirilməsinin planlaşdırıldığını vurğulayıb.

"100 rublluq əskinas yenilənmiş dizaynı ala bilər", - tənzimləyici qeyd edib.

Mayın 13-də bildirildi ki, Qusev Mərkəzi Bankın rəhbəri Elvira Nabiullinaya 100 rublluq əskinasın dizaynını dəyişdirmək təklifi ilə rəsmi sorğu göndərib.

Millət vəkilinin sözlərinə görə, əskinasda 2022-ci ildə ölkənin tərkibinə daxil olan regionlar nəzərə alınmaqla Rusiyanın xəritəsi əks olunmalıdır.Qusev diqqəti 2022-ci ilin əskinasında Donetsk və Luqansk Xalq Respublikaları, eləcə də Zaporojya və Xerson vilayətləri daxil edilmədən xəritənin təsvirinə yönəldib.

Hüseyn İbadlı