Dəri ağardıcı təbii maskalar

Maska 1

1 çay qaşığı lanolin və 1 çay qaşığı vazelini bermari üsul əridin. İçinə 1 çay qaşığı portağal suyu, 1 çay qaşığı təzə alma suyu və1 yemək qaşığı ağ gil əlavə edib qarışdırın.

Bütün bunları şüşə qabda soyuq yerdə saxlayın. Evdə olduğunuz vaxtlarda əldə edilən məhlulu üzünüzə çəkin. Mümkün qədər çox saxlayın. Sonra isə ilıq su ilə yaxalayın. Maskanı həftədə 3 dəfə çəkmək lazımdır. Küçəyə çıxarkən qoruyucu faktorlu krem çəkin.

Maska 2

3 çay qaşığı çobanyastığı

1 fincan su

1 yemək qaşığı bal

1 yemək qaşığı gül suyu

1 fincan suyu qaynadın və çobanyastığını içinə atın. Yaxşıca qarışdırdıqdan sonra süzgəcdən keçirin və soyumasını gözləyin. Sonra bal və gül suyunu da əlavə edin. Yaxşıca qarışdırdıqdan sonra üzünüzə və boynunuza çəkib 15 dəqiqə gözləyin. Dərinin ağarması və parıldaması üçün mütəmadi olaraq istifadə etmək lazımdır. Bu maska dərinin rəngini açmaq üçün əla vasitədir. Soyuducuda ancaq 1 həftə saxlamaq olar. Hava keçirməyən qabda saxlamaq lazımdır.

Publika.Az