Qadın

Azərbaycanlı dizayner: "Hillari Klinton hədiyyədən o qədər məmnun qalmışdı ki..."

16 Oktyabr 2015 18:15

Azərbaycanlı dizayner Mənzər Hacıyeva Hillari Klinton, Ornella Muti, Lara Fabian kimi məşhurlara kəlağayı bağışlayıb.

Publika.az xəbər verir ki, dizayner bu barədə “Moskva-Bakı” dərgisinə açıqlama verib. O bildirib ki, bir sıra dünyaşöhrətli xanımlara özünün hazırladığı eksklüziv kəlağayılar hədiyyə edib:

“İlk hədiyyəm məşhur italiyalı aktrisa Ornella Mutiyə olub. Bakıya səfəri zamanı ona xüsusi yaylıq hədiyyə olunub. Biz Lara Fabian və operanın divası Anna Netrebkoya da üzərində inisialları olan yaylıqlar hədiyyə etmişik. Bundan başqa, hazırladığım yaylığı dünyaşöhrətli siyasətçi xanım, ABŞ-ın keçmiş dövlət katibi Hillari Klintonda da görmək olar. Biz onun üçün eksklüziv kəlağayı hazırlayıb, Azərbaycan adından təqdim etmişdik. Hillari Klinton hədiyyədən o qədər məmnun qalmışdı ki, şəxsən bizə təşəkkür məktubu göndərib”.

İsa Şükürov