Monika Belluççi: “Klimaks dövrünü həyəcanla gözləyirəm” - FOTOLAR

Bu filmdən sonra qadınlar daha qocalmaqdan qorxmayacaq.

Publika.az xəbər verir ki, bunu 51 yaşlı aktrisa Monika Belluççi "007: Spektr" filmindən danışarkən deyib. O, “Daily Mail” qəzetinə açıqlamasında bildirib ki, əvvəlki seriyalarında yaşıdı olan hər hansı qadının Bond obrazını başdan çıxardığına təsadüf olunmayıb. "007: Spekt" filmində bu, ilk dəfə olacaq:

“Bəlkə də bu roldan sonra yaşlılıq dövründəki qadın aktrisalar karyerasına son verməzlər. Qocalmaqdan heç vaxt qorxmamışam. Biri var qadının gənclik illərində sahib olduğu gözəllik, bir də var yaşa dolduqca gələn cazibə. Sizin qəlbiniz də özünüzlə birgə böyüyür və müdrikləşir. Məhz bu zaman qadın daha cazibədar görünür".

Aktrisa yaşlanmanın əlamətlərindən sayılan və qadınların depressiyaya düşməsinə səbəb olan klimaks məsələsinə də münasibət bildirib:

"Klimaks dövrünü həyəcanla gözləyirəm. Yəqin ki, bütün qadınlar kimi, mənə də klimaks dövrünü yaşamaq çətin olacaq. Amma bir neçə ay və ya bir il sonra hər şey yenidən öz qaydasına düşəcək. Bu, təbii prosesidir. Buna görə qətiyyən gərgin deyiləm” – deyə bildirib.

Fidan