Qadın

Nüfuzlu din xadimi: “Tanrı kişi deyil”

27 Oktyabr 2015 13:30

Böyük Britaniya Lordlar Palatasının üzvü olmağı bacaran ilk qadın yepiskop Reyçel Truik maraqlı açıqlamalar verib.

Publika.az xəbər verir ki, Anqlikan kilisəsisinin nüfuzlu din xadimi R.Truik din adamlarından “Tanrıdan sanki o, bir kişi imiş” kimi bəhs etməmələrini xahiş edib.

O, "Bizə Tanrının insanları öz surətində yaratdığı deyilib. Mən də Tanrının surətində yaradılmışamsa, onda, deməli, Tanrı kişi cinsindən deyil. Tanrının cinsi yoxdur”, - deyərək hər kəsi təəccübləndirib.

O, insanların beynində formalaşan yanlış fikirləri aradan qaldırmaq üçün təkliflər də irəli sürüb:

“Tanrıdan bəhs edərkən ingilis dilində istifadə edilən “he” və “she” əvəzliklərindən imtina edilməlidir”.

Qeyd edək ki, bu açıqlamalardan sonra bir çox qadın din xadimləri R.Truikin fikirlərini dəstəklədiklərini bildiriblər.

Ləman Sultan